Njarðvíkingar sýndu klærnar
Njarðvík mætti deildarmeisturum Vals í kvöld í fyrsta leik undanúrslita Subway-deildar karla í körfuknattleik. Njarðvíkingar mættu klárir í leikinn og tóku forystu í einvíginu með sanngjörnum sigri, 84:105.
Valur - Njarðvík 84:105
(18:28 | 22:26 | 20:28 | 24:23)
Fyrsti leikhluti var jafn framan af en Njarðvíkingar þó frekar við stýrið en heimamenn. Þegar tók að líða á leikhlutann fóru gestirnir að ná forystu sem var orðin tíu stig þegar fyrsta leikhluta lauk (18:28).
Forystan jókst svo jafnt og þétt og forskot Njarðvíkinga varð mest 25 stig.
Valsmenn náðu ekki að ógna sigri Njarðvíkinga sem leiða einvígið 1:0.
Stig Njarðvíkur: Dwayne Lautier-Ogunleye 24 stig, Domynikas Milka 19 stig, Mario Matasovic 17 stig, Chaz Williams 14 stig, Þorvaldur Orri Árnason 11 stig, Elías Pálsson 7 stig, Maciej Baginski 7 stig, Veigar Alexandersson 5 stig og Snjólfur Stefánsson 1 stig.
