Frostlaust samfellt í 21 dag

Frostlaust var í Reykjavík í samfellt 21 dag í janúar síðastliðnum og hefur það ekki gerst síðan samfelldar lágmarksmælingar hófust i borginni árið 1920, eða í 90 ár.

Á þessu tímabili hefur það gerst tíu sinnum að frostleysa hefur staðið í meira en tíu daga samfellt, en lengsti hlýindakaflinn til þessa stóð í 17 daga árið 1938, eða fyrir 72 árum, samkvæmt tölum Veðurstofunnar.

Annars var hiti yfir meðallagi á öllu landinu í nýliðnum mánuði, allt að þremur stigum þar sem mest var.

www.visir.is greinir frá þessu

Ljósmynd/elg