2% atvinnuleysi á Suðurnesjum

Alls skráðu 194 einstaklingar sig á atvinnuleysisskrá á Suðurnesjum í nóvemberbermánuði, eða 2% af mannafla. Um er að ræða fjölgun frá októbermánuði, en alls skráðu 167 sig þá á atvinnuleysisskrá. Fjölgun þessi er árstíðabundin, en atvinnuleysi eykst alltaf á þessum tíma árs.

Þrátt fyrir þessa aukningu er hún óveruleg þegar litið er til síðasta árs, en í nóvember 2004 voru 283 sem skráðu sig á atvinnuleysisskrá.

Atvinnuleysi á landsvísu mældist 1.5% og hefur lækkað úr 3% síðan í fyrra.