Bíl stolið í Grindavík

Lögreglan á Suðurnesjum lýsir eftir bíl sem stolið var í Grindavík í dag. Maður sem fékk bílinn lánaðan til reynsluaksturs skilaði honum ekki á tilsettum tíma. Eigandinn kærði málið til lögreglu.

Bíllinn er pallbíll af gerðinni Mitsubishi L-200, blár og grár að lit, og er með númerið UY-488, árgerð 2004. Áberandi eru fjórir ljósakastarar á framstuðara bifreiðarinnar.

Þeir sem hafa upplýsingar um ferðir bifreiðarinnar eru beðnir um að hringja í lögregluna á Suðurnesjum í síma 420-1800.


Myndin er af bíl sömu tegundar.