Byggja geymsluhús við golfvöllinn

Bæjarstjórn Sandgerðis hefur samþykkt samning Sandgerðisbæjar við Golfklúbb Sandgerðis um uppbyggingu vélageymslu á Kirkjubólsvelli.
Þá samþykkti bæjarstjórn  viðauka við fjárhagsáætlun 2018 að upphæð níu milljónir króna vegna verkefnisins.

Sandgerðisbær greiðir stærsta hluta byggingarinnar og notar m.a. til þess tryggingabætur vegna geymsluhúsnæðis sem eyðilagðist í bruna í Sandgerði fyrir nokkrum misserum.