Kólnar á morgun

Klukkan 6 í morgun var sunnan- og suðvestanátt, 12-20 m/s og víða talsverð rigning eða súld, en skýjað á Austurlandi og skúrir á suðvesturhorninu. Hiti 2 til 8 stig

Veðurhorfur við Faxaflóa næsta sólarhringinn:
Suðvestan 13-20 og skúrir, hvassast við ströndina, en hægari í nótt. Hiti 2 til 7 stig. Norðvestan 8-13 á morgun stöku él og kólnar.

Veðurhorfur á landinu til kl. 18 á morgun: Suðvestan 13-20 og skúrir með morgninum, hvassast við vesturströndina. Mun hægari vindur A-til í dag og léttir til. Hiti 2 til 8 stig. Lægir á Breiðafirði og Vestfjörðum í kvöld, en gengur smám saman í norðvestan 10-15 með éljum vestantil á landinu í nótt. Norðvestan 8-13 á morgun og él, en léttir til um sunnavert landið. Kólnar og frystir um norðanvert landið síðdegis.