Sleginn í götuna

Karlmaður var sleginn í götuna fyrir utan skemmtistaðinn Traffic á Hafnargötunni í nótt. Þegar lögreglumenn komu á staðinn lá hann í götunni og var hann fluttur á Heilbrigðisstofnun Suðurnesja þar sem gert var að sárum hans. Árásarmaðurinn náðist að því er fram kemur í dagbók lögreglunnar í Keflavík.
Að öðru leyti var nóttin róleg.
Í gærdag voru þrír ökumenn kærðir fyrir hraðakstur, tveir á Reykjanesbraut og einn á Grindavíkurvegi. Að auki var tilkynnt um eitt umferðaróhapp.