Slógust með hnífum á gistiheimili

Sérsveit ríkislögreglustjóra og lögreglan á Suðurnesjum stöðvuðu rétt fyrir miðnætti átök á gistiheimili á Ásbrú. Sjúkrabifreið var kölluð á staðinn.

 

Samkvæmt heimildum Víkurfrétta slógust menn á gistiheimilinu og komu hnífar við sögu í átökunum.

 

Lögreglumenn komu ró á mannskapinn og enginn mun hafa slasast eftir því sem næst verður komist.

Leiðrétt:

Sagt var að gistiheimilið væri á vegum Útlendingastofnunar. Það er rangt.