Stal harðfiski fyrir hálfa milljón

Á áttunda tímanum í morgun, mánudag, var tilkynnt um innbrot í fiskverkunina Stjörnufisk við Staðarsund 10, Grindavík s.l. nótt.

Hafði verið stolið þar um 125 kg. af harðfisk sem er að verðmæti um kr. 500.000.- Hafði verið sparkað upp hurð og fiskinum safnað saman.

Megnið af harðfisknum var tilbúinn til neyslu en hluti hafði verið tekinn úr þurrkklefa þar sem hann var í vinnslu.