Starfsmenn óskast á sýningu Byggðasafns

Byggðasafn Suðurnesja óskar að ráða starfsmenn við nýja sýningu safnsins í Duus-húsum. Störfin felast í móttöku gesta, upplýsingagjöf og almennri safnavinnu. Miðað er við að vinna hefjist í maí og standi út september.

Safnið leitar að einstaklingum með a.m.k. stúdentspróf (eða sambærilega menntun) sem hafa ánægju af að umgangast og þjónusta fólk. Tölvufærni er nauðsynleg og kunnátta í ensku er skilyrði. Umsóknarfrestur er til 26. mars 2002 og hægt er að skila umsóknum á vef Reykjanesbæjar.