Styttir upp síðdegis

Í morgun var sunnan- og suðaustan átt á landinu, 10-13 m/s suðvestantil, en annars hægari. Rigning um mest allt land og hiti 7 til 14 stig, hlýjast á Grundarfirði.

Um 400 km VSV af Reykjanesi er heldur vaxandi 993 mb lægð sem hreyfist NNA. Yfir Bretlandseyjum er 1030 mb hæð.

Veðurhorfur á landinu
Veðurhorfur til kl. 18 á morgun: Suðlæg átt 10-18 m/s og rigning, en sums staðar talsverð rigning suðvestan- og vestanlands. Heldur hægari vindur um norðaustanvert landið. Vestlægari upp úr hádegi og dregur úr úrkomu. Suðvestan 10-15 í kvöld, en hægari í nótt og á morgun. Skúrir um landið vestanvert, en léttir smám saman til norðaustan- og austanlands. Hiti 8 til 15 stig.