Suðurnesjavettvangur í beinni útsendingu
Síðustu mánuði hefur samstarfsverkefnið Suðurnesjavettvangur verið í fullum gangi. Sveitarfélögin fjögur á Suðurnesjum – Grindavíkurbær, Reykjanesbær, Suðurnesjabær og Vogar –ásamt Isavia, Kadeco og Sambandi sveitarfélaga á Suðurnesjum, hafa tekið þátt í þeirri vinnu, þar sem Heimsmarkmið Sameinuðu þjóðanna hafa verið höfð að leiðarljósi.
Á opnum fundi hér á vefnum, kl. 15, fimmtudaginn 12. nóvember 2020, verður farið yfir niðurstöður úr umræðuhópum um Heimsmarkmið Sameinuðu þjóðanna. Einnig verða kynntar niðurstöður málefnahópa sem hafa starfað undanfarin misseri með þátttöku sveitarfélaga, fyrirtækja, félagasamtaka og einstaklinga sem unnið hafa undir kjörorðinu Sjálfbær framtíð Suðurnesja.
Dagskrá fundarins:
Farið yfir niðurstöður málefnahópa
Blómlegt og öflugt atvinnulíf - Ásgeir Gunnarsson, bæjarstjóri Vogum
Traustir og hagkvæmir innviðir - Magnús Stefánsson, bæjarstjóri Suðurnesjabæ
Vel menntað og heilbrigt samfélag - Fannar Ólafsson, bæjarstjóri, Grindavíkurbæ
Sjálfbært og aðlaðandi samfélag - Kjartan Már Kjartansson, bæjarstjóri Reykjanesbæ
Lokasamantekt og síðan ávörp ráðherra og annarra gesta
- Bjarni Benediktsson, fjármála- og efnahagsráðherra
- Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra
- Guðmundur Ingi Guðbrandsson, umhverfis- og auðlindaráðherra
- Ásta Bjarnadóttir, formaður verkefnastjórnar FOR um innleiðingu Heimsmarkmiða SÞ
- Katrín Jakobsdóttir, forsætisráðherra.
Lokaorð - Hvatning - Undirritun yfirlýsingar bakhjarla um hröðun innleiðingar Hringrásarhagkerfisins á Suðurnesjum.
