Þykknar upp á morgun

Um klukkan 06 í morgun voru norðan 5-10 m/s og rigning austast á landinu. Annars hægari norðlæg eða breytileg átt, léttskýjað allra syðst, en skýjað annars staðar og víða þokuloft við norðurströndina. Hiti 5 til 12 stig, hlýjast á Vattarnesi.

Um 250 km austur af landinu er 999 mb lægð sem þokast NV. Á vestanverðu Grænlandshafi er 1002 mb lægð sem hreyfist lítið.

Veðurhorfur á landinu til kl. 18 á morgun:
Norðvestan og vestan 3-10 m/s, skýjað og rigning eða súld með köflum norðan- og austanlands, annars hægari vindur og víða nokkuð bjart veður. Suðvestan 3-8 í nótt og léttir til norðan- og austantil, en þykknar upp sunnan- og vestanlands með rigningu á morgun. Suðvestan og sunnan 8-13 þegar líður á morgundaginn. Hiti 10 til 18 stig að deginum.