Víða él eða slydduél í nótt

Klukkan 06:00 í morgun var norðaustan 5-10 m/s á Vestfjörðum en annars suðlæg átt, 5-22 m/s, hvassast allra austast. Rigning um mest allt land. Hiti 1 til 11 stig, hlýjast á Hallormsstað en kaldast á Reykjum í Fnjóskadal.

Um 300 km vestsuðvestur af Reykjanesi er 981 mb lægð sem þokast austur, en við Langanes er lægð í myndun sem mun hreyfast norður.

Veðurhorfur á landinu til kl. 18 á morgun:
Suðlæg átt, 3-8 m/s, en hvassari við austurströndina í fyrstu. Rigning en úrkomulítið norðaustanlands. Vaxandi norðaustanátt með slyddu á Vestfjörðum, norðan 10-15 undir kvöld. Norðan og norðvestan 8-15 og víða él eða slydduél í nótt. Norðvestan 5-15 á morgun, hvassast norðaustantil. Él norðanlands en annars léttskýjað. Hiti 3 til 10 stig, en frystir víða norðan- og vestanlands í kvöld.