Grindavík tapaði gegn KR
Lið Grindavíkur í 1. deild kvenna í körfuknattleik mætti KR-ingum í gær, en Grindvíkingar þurftu að sætta sig við tíu stiga tap. Leikurinn endaði 78-88 fyrir KR-ingum.
Grindvíkingar leiddu leikinn í fyrri hálfleik en KR-ingar tóku forystuna í seinni hálfleik.
Spilandi þjálfari Grindavíkur, Angela Rodriguez, átti stórleik en hún skoraði 34 stig og var með 10 fráköst. Þá var Anna Ingunn Svansdóttir með 11 stig og Ólöf Rún Óladóttir með 10 stig og 4 fráköst.
