Á leið í próf!

Þessir kátu krakkar í 4. bekk í Grunnskóla Grindavíkur voru á leið í samræmt próf í íslensku í morgun.   Á morgun föstudag er það svo stærðfræðin hjá þeim.  Samræmd próf í grunnskólum landsins eru lögð fyrir í 4., 7. og 10. bekk.   Þeim er ætlað að vera samræmt mælitæki á landsvísu.  Skiptar skoðanir verða ávallt um gildi þeirra og gagn en líta má á þau sem eitt af þeim verkfærum sem við getum haft við höndina þegar meta skal námsárangur, segir á heimasíðu Grunnskóla Grindavíkur.