Íhugar að skipta um vinnu!

Hann á heldur betur eftir að hugsa sig betur um næst þegar hann sækir um vinnu slökkviliðsmaðurinn sem lenti í heljarins steggjaveislu félaga sinna á slökkivstöðinni í dag. Sigmundur slökkvistjóri boðaði tilvonandi brúðguman á fund til sín og lét hann gera einar fáranlegustu þrekæfingar sem gerðar hafa verið. Þegar tilvonandi brúðguminn sá síðan félaga sína og bræður nálgast slökkvistöðina vissi hann alveg upp á hár hvað var á seyði.Félagarnir bundu brúðguman tilvonandi með reipum og létu hann síðan ofan í körfu körfubíls slökkviliðsins þar sem vatni var sprautað á hann í dágóðan tíma. Unnustan tók einnig þátt í sprelli félaganna og sprautaði duglega á tilvonandi eiginmann sinn. Meðfylgjandi myndir voru teknar við slökkvistöðina í dag.