Framboðsfundur í Hljómahöll í kvöld
Málfundafélagið Faxi í samstarfi við Reykjanesbæ og Víkurfréttir býður framboðum til sveitarstjórnarkosninga í Reykjanesbæ til framboðsfundar í Hljómahöll mánudagskvöldið 2. maí næstkomandi klukkan 19:30 til 22:00.
Sambærilegur fundur fór fram fyrir sveitarstjórnarkosningarnar 2018 og þóttist heppnast vel. Sjö listar bjóða fram og má því búast við fjörugum umræðum.
Fundinum verður streymt á síðum Víkurfrétta en að sjálfsögðu eru gestir boðnir velkomnir í sal.
Málfundafélagið Faxi hefur starfað samfellt frá stofnun þess árið 1939. Faxi hefur látið til sín taka í málefnum sveitarfélagsins í gegnum tíðina og meðal annars gefið út samnefnt blað frá árinu 1940 þar sem áhersla er lögð á að varðveita söguna um menn og málefni svæðisins.
