Stiller í stórsjó!
Nú eru kvikmyndagerðarmenn með Ben Stiller í fararbroddi í Garðsjónum að taka upp senur í kvikmyndina The Secret Life of Walter Mitty. Nú er töluverð ókyrrð í Garðsjónum eða stórsjór á Hollywood-vísu.
Notast er við fiskiskipið Stafnes KE sem fer með hlutverk í myndinni en skipið er hrörlegt að sjá og hefur verið málað sem ryðdallur.
Fjölmarga báta frá björgunarsveitunum má sjá umhverfis Stafnesið í Garðsjónum. Bátarnir hafa allir verið leigðir til verkefnisins til að aðstoða við kvikmyndatökuna og til að gæta öryggis.
Meðfylgjandi myndir tók ljósmyndari Víkurfrétta nú áðan.
Frá kvikmyndatöku í Garðsjónum nú áðan.
