Allt tiltækt björgunarlið í fjölda umferðarslya á Reykjanesbraut

Allt tiltækt björgunarlið frá Brunavörnum Suðurnesja er nú á Reykjanesbraut vegna fjölda umferðarslysa sem urðu þar. Tilkynnt var um fjögur umferðarslys á um fimm mínútum.

Fjórir sjúkrabílar frá Suðurnesjum voru kallaðir út auk eins sjúkrabíls úr Hafnarfirði. Þá voru einnig kallaðir til tækjabílar. Lögreglan er einnig með fjölmennt lið á vettvangi umferðarslysanna.

Um er að ræða árekstra vegna hálku. Einnig hafa bílar farið á ljósastaura og vegrið að því vegfarandi sem ræddi við Víkurfréttir greindi frá.

Samkvæmt upplýsingum frá Brunavörnum Suðurnesja var ekki vitað um alvarleika slysa. Mögulega voru þó alvarleg meiðsli í einu slysanna.