Hvetja bæjarbúa til að hugsa vel um nærumhverfi sitt
Umhverfisviðurkenningar Reykjanesbæjar eru veittar annars vegar einstaklingum og hins vegar fyrirtækjum sem viðurkenning fyrir fallega garða og vel hirtar lóðir og umhverfi. Með viðurkenningum vill Reykjanesbær hvetja bæjarbúa til að hugsa vel um nærumhverfi sitt og verðlauna þá sem skara fram út í snyrtimennsku og umhirðu garða sinna. Umhverfis- og skipulagsráð fer með framkvæmd verðlaunanna í samvinnu við starfsmenn Reykjanesbæjar. Auglýst er eftir tilnefningum á vefsíðu bæjarins og er unnið úr þeim nafnlaust. Viðurkenningarnar voru afhentar á Ljósanótt.
Samfélagsverðlaun
Sigurjón Þórðarson: Fyrir ómetanlega sjálfboðavinnu í þágu skógræktar á Suðurnesjum. Sigurjón hefur leitt starf Skógræktarfélags Suðurnesja um áraraðir og átt í mjög góðu samtarfi við garðyrkjudeild Reykjanesbæjar. Hér er Sigurjón annar frá vinstri ásamt öllu því fólki sem tók á móti viðurkenningum í ár. Efsta myndin sýnir vel lukkaða skógrækt í Reykjanesbæ. VF/Hilmar Bragi
Tilnefning frá íbúum
Vatnsnes: Vel heppnað samstarf Hótel Keflavíkur og sveitarfélagsins Reykjanesbæjar. Steinþór Jónsson hótelstjóri tók við viðurkenningunni ásamt Hildi Sigurðardóttur eiginkonu sinni.
Einkagarður
Smáratún 7: Fallegur, snyrtilegur og fjölskrúðugur einkagarður. Kristinn Herbert Jónsson og Ólöf Kristín Guðmundsdóttir tóku við viðurkenningunni.
Viðhald á eldra húsi
Brons: Falleg endurbygging á eldra húsi. Þorsteinn Þorsteinsson tók við viðurkenningunni.
Fyrirtæki
Hótel Berg: Falleg hönnun húss og snyrtilegt umhverfi. Ivana Covic aðstoðarhótelstjóri og Anna Gréta Hafsteinsdóttir starfsmaður Gistivers og fyrrverandi
hótelstjóri tóku við viðurkenningunni.
