Keflvíkingar í undanúrslit eftir sigur gegn erkifjendunum

Keflavíkurkonur tryggðu sér sæti í undanúrslitum bikarkeppni KKÍ, með sigri gegn nágrönnum sínum frá Njarðvík í TM-Höllinni í kvöld. Keflvíkingar sigruðu 77-58 en þær leiddu allan leikinn. Í hálfleik var staðan 40-31 fyrir heimaliðið en tvöföldu meistararnir gerðu nánast út um leikinn í  þriðja leikhluta, en þá var munurinn orðinn 18 stig. Hjá Keflvíkingum var Bryndís Guðmundsdóttir við saman heygarðshornið en hún skilaði 22 stigum og 9 fráköstum í leiknum. Porsche Landry var með 18 stig og Sara Rún með 17. Sandra Lind Þrastardóttir var illviðráðanleg í teignum en hún hirti 14 fráköst fyrir Keflvíkinga.

Hjá Njarðvíkingum var Nikitta Gartrell með eftirtektarverða tvennu, 17 stig og 18 fráköst. Ásdís Vala Freysdóttir var með 10 stig en aðrir leikmenn skoruðu minna og voru töluvert frá sínu besta í kvöld.

Keflavík-Njarðvík 77-58

Keflavík: Bryndís Guðmundsdóttir 22/9 fráköst, Porsche Landry 18/6 fráköst/5 stolnir, Sara Rún Hinriksdóttir 17/8 fráköst, Bríet Sif Hinriksdóttir 5/4 fráköst, Aníta Eva Viðarsdóttir 5, Telma Lind Ásgeirsdóttir 4, Sandra Lind Þrastardóttir 2/14 fráköst, Kristrún Björgvinsdóttir 2, Elfa Falsdottir 1, Thelma Dís Ágústsdóttir 1, Katrín Fríða Jóhannsdóttir 0, Lovísa Falsdóttir 0/4 fráköst.

Njarðvík: Nikitta Gartrell 17/18 fráköst, Ásdís Vala Freysdóttir 10/8 fráköst, Heiða B. Valdimarsdóttir 7, Sara Dögg Margeirsdóttir 7, Erna Hákonardóttir 5, Aníta Carter Kristmundsdóttir 5, Guðlaug Björt Júlíusdóttir 4, Dísa Edwards 3/4 fráköst, Salbjörg Sævarsdóttir 0, Guðbjörg Ósk Einarsdóttir 0, Emelía Ósk Grétarsdóttir 0, Andrea Björt Ólafsdóttir 0.