Markús Máni tryggði Víði sigurinn á Grenivík

Víðismenn gerðu góða ferð til Grenivíkur í gær þegar Víðir heimsótti Magna í þriðju deilda karla í knattspyrnu. Markús Máni Jónsson skoraði snemma eina mark leiksins.

Magni - Víðir 0:1

Það tók Víðismenn ekki langan tíma að brjóta ísinn en Markús Máni Jónsson skoraði strax á annarri mínútu.

Það reyndist ráða úrslitum því fleiri urðu mörkin ekki og Víðis sótti þrjú dýrmæt stig ti Grenivíkur.

Víðismenn eru í næstefsta sæti deildarinnar en það er stutt á milli efstu liða, Kári er á toppnum með 23 stig, Víðir með 21, Árbær 20 stig og Augnablik er í fjórða sæti með 18 stig.