Eldur í grilli á svölum þriðju hæðar í blokk í Ásbrú

„Miðað við tilkynninguna bjuggum við okkur undir það versta en sem betur fer var þetta ekki neitt, það var bara verið að grilla á svölunum, fólkið í íbúðinni kom af fjöllum. Svona gerist og allur er varinn góður, úr varð fín æfing fyrir okkur en frá því að tilkynningin barst þá liðu ekki nema örfáar mínútur þar til við vorum komnir á vettvang,“ segir Guðmundur Jónsson, varðstjóri Brunavarna Suðurnesja.

Það fylgir ekki sögunni hvort maturinn hafi verið of mikið eldaður.