Auka aðgengi að Grindavík

Lögreglustjórinn á Suðurnesjum hefur ákveðið í samvinnu við Grindavíkurnefndina að auka aðgengi að Grindavíkurbæ.  Hægt er að keyra inn og út úr bænum um Nesveg og Suðurstrandarveg.  Lokunarpóstar eru á Grindavíkurvegi nærri gatnamótum Reykjanesbrautar (óbreytt staða).  Þá er lokunarpóstur á Grindavíkurvegi við gatnamót Nesvegar.   Vegna framkvæmda við varnargarða og þá miklu umferð þungra vinnuvéla inn í Svartsengi þykir nauðsynlegt að takmarka þar alla almenna umferð.  Sjá meðfylgjandi kort. 

Veðurstofa Íslands uppfærir sitt hættumat síðar í dag.  Í kjölfar á birtingu þess hættumats mun lögreglustjóri jafnframt senda út nýja fréttatilkynningu.