Skilgreina frístundabyggð og íbúðarbyggð í Höfnum

Tvær aðalskipulagsbreytingar í Höfnum voru teknar fyrir á síðasta fundi umhverfis- og skipulagsráðs Reykjanesbæjar

Í tillögu að breytingu á aðalskipulagi kemur fram að Hvammur verður með skilgreinda landnotkun sem frístundabyggð í stað opins svæðis og svæðis ætlað fyrir samfélagsþjónustu.

Við Seljavog 2a verða um 0,8 ha af 3,3 ha með skilgreinda landnotkun sem íbúðarbyggð ásamt hverfisvernd að hluta í stað opins svæðis og hverfisvernd að hluta sbr. gildandi þéttbýlisuppdrátt aðalskipulagsins.

Umhverfis- og skipulagsráð samþykkti á fundinum að tillagan verði send Skipulagsstofnun til athugunar fyrir auglýsingu.