Viðræður um hönnun á gervigrasvelli í Suðurnesjabæ

Bæjarráð Suðurnesjabæjar hefur samþykkt samhljóða að fela bæjarstjóra að eiga viðræður við VSÓ Ráðgjöf um hönnun gervigrasvallar.

Minnisblað bæjarstjóra um verðkönnun varðandi hönnun gervigrasvallar var tekið fyrir á fundinum. Gert er ráð fyrir að gervigrasvöllurinn rísi þar sem aðalvöllur Reynis stendur í dag.

Talsverð átök hafa verið innan sveitarfélagsins um málefni gervigrasvallarins og t.a.m. féll meirihlutinn í Suðurnesjabæ fyrr í sumar vegna málsins.