Bæjarhátíðin heiti „Vitadagar – hátíð milli vita“
Nýtt nafn á bæjarhátíð Suðurnesjabæjar
Ferða-,safna- og menningarráð Suðurnesjabæjar hefur samþykkt nýtt nafn á bæjarhátíð Suðurnesjabæjar. Haldin var hugmyndasamkeppni sem stóð yfir til 1. apríl sl. þar sem öllum var gefin kostur á að senda inn sína hugmynd að nafni á bæjarhátíðina.
Samþykkt var samhljóða að nafnið á hátíðinni skuli vera „Vitadagar – hátíð milli vita“ enda eru fimm fjölbreyttir vitar í Suðurnesjabæ og eru vitar ein helstu kennileiti sveitarfélagsins.
Skipulagning fyhrir hátíðina í ár, sem mun fara fram dagana 26. ágúst til 1. september, er hafin. Markmið hátíðarinnar er að bjóða upp á fjölbreytta og skemmtilega dagskrá sem hentar allri fjölskyldunni, efla samhug og gefa íbúum tækifæri á að kynnast hvert öðru og sýna hvað Suðurnesjabær hefur upp á að bjóða.
![](/media/1/stafnesviti.jpg)
![](/media/1/sandgerdishofn-2.jpg)
![](/media/1/holmsbergsviti-mai-20241.jpg)