Flæddi upp á Seljabót á háflóði í gær - stórstreymi síðdegis
Það mátti litlu muna að allar bryggjur í Grindavík væru á kafi á síðdegisflóðinu í gær. Sjór flæddi upp á Kvíabryggju og á götuna Seljabót og þakka má fyrir að það var stillt veður og sléttur sjór.
Stórstreymt er í dag og sjávarhæð því með mesta móti á síðdegisflóðinu. Stórstreymt er kl. 19:37 í kvöld (miðað við Reykjavík).
Í Grindavík er hæsta sjávarstaða 28 mínútum áður þannig að kl. 19:09 verður háflóð. Samkvæmt mælingum sem birtar eru á fyrir Grindavíkurhöfn var sjávarstaða í 4,33 metrum kl. 18:40 í gær og um 20 sentimetrrum lægri á morgunflóðinu í dag kl. 07:10.
Í kvöld má svo búast við því að flóðhæð verði 20 sentimetrum hærri en á flóðinu í gærkvöldi.
Ljósmyndari Víkurfrétta flaug dróna yfir Grindavíkurhöfn í gær. Einnig var tekið flug við Rásina og Vatnsstæðið. Myndirnar má sjá hér að neðan.
Neðst á síðunni eru svo myndasafn úr drónafluginu frá því í gær.
Sjávarflóð og tjarnir við Grindavík 20. ágúst 2024
