Lilja Björk Íslandsmeistari á jafnvægisslá

Keflvíkingurinn Lilja Björk Ólafsdóttir varð um sl. helgi Íslandsmeistari á jafnvægisslá í unglingaflokki í frjálsum æfingum á áhöldum í fimleikum. Einnig hafnaði Lilja í öðru sæti í fjölþraut á mótinu sem fram fór í húsnæði Ármenninga í Laugardalnum. Lilja hafnaði í öðru sæti á tvíslá og því þriðja í gólfæfingum, en þær æfingar eru hluti af fjölþrautinni. Sannarlega glæsilegur árangur hjá þessari efnilegu fimleikakonu.