Eldur í rafsígarettu í farþegaþotu

Um kl. 19:40 í kvöld barst tilkynning um eld um borð í Airbus flugvél Wizz air með 147 manns um borð. 

 

Vélinni sem var á leið frá Keflavíkurflugvelli var snúið við og neyðarstig var boðað og aðgerðarstjórn kom strax saman í stjórnstöð. 

 

Vélin lenti heilu og höldnu kl. 19:49 á Keflavíkurflugvelli. 

 

Lögregla og fulltrúar frá Rannsóknarnefnd flugslysa komu strax á vettvang.

 

Svo virðist sem kviknað hafi í rafsígarettu um borð í vélinni og  hún hafi verið sett án þess að láta vita í salernið. 

 

Rauði Krossinn sendi áfallateymi á vettvang og farþegar eru nú komnir í Flugstöð Leifs Eiríkssonar.

 

Rannsókn er hafin á tildrögum atviksins.