Flugeldar kveiktu eld í Vogum

Betur fór en á horfðist þegar eldur braust út í gömlu frystihúsi við Hafnargötu í Vogum seint í gærkvöldi. Eldurinn er rakinn til fikts með flugelda inni í húsinu.

Slökkvilið Brunavarna Suðurnesja sendi bæði dælubíl og körfubíl á vettvang, auk sjúkrabíls og bakvaktarbíl. Þá var lögreglan með fjölmennt lið á fjórum bílum á staðnum.

Þegar slökkviliðið mætti á staðinn var talsverður eldur í einu rými í húsinu. Hann var fljótlega slökktur.

Slökkviliðið hvetur fólk til að fara varlega með flugelda nú um áramót því líkill neisti getur valdið miklu báli.

Myndirnar voru teknar á vettvangi brunans í gærkvöldi.

Brunaútkall í Voga 29. desember 2024