Sautján ára 210 þús. kr. fátækari

Allmargir hafa verið kærðir fyrir umferðalagabrot í umdæmi lögreglunnar á Suðurnesjum á síðustu dögum. Sautján ára ökumaður mældist á 147 km hraða á Reykjanesbraut og ók hann hraðast þeirra sem kærðir voru fyrir hraðakstur. Hans bíður sektargreiðsla upp á 210 þúsund og ökuleyfissvipting í einn mánuð. Lögregla tilkynnti forráðamanni hans um atvikið.

Þá voru fáeinir teknir úr umferð vegna gruns um vímuefnaakstur.