Dröfn með 100 leiki fyrir Grindavík
Fyrir leik Grindavíkur og Aftureldingar í Lengjudeild kvenna síðasta þriðjudag afhenti Haukur Guðberg, formaður knattspyrnudeildarinnar, Dröfn Einarsdóttur viðurkenningu fyrir 100 spilaða leiki fyrir Grindavík í Íslandsmóti og bikarkeppni.
Dröfn spilaði sinn fyrsta leik í meistaraflokki í Borgunarbikarnum gegn Þrótti árið 2014, þá fimmtán ára gömul. Dröfn hefur alls leikið 244 leiki í mótum á vegum KSÍ en hún lék með Keflavík árin 2019 til 2023 áður en hún sneri aftur heim í Grindavík fyrir þetta tímabil.
Leik Grindavíkur og Aftureldingar lauk með jafntefli (1:1) en meðfylgjandi myndir tók Petra Rós Ólafsdóttir á leiknum.
