Freysteinn Ingi til reynslu hjá IFK Norrköping

Njarðvíkingurinn Freysteinn Ingi Guðnason er til reynslu hjá sænska úrvalsdeildarfélaginu IFK Norrköping þessa dagana.

Freysteinn er ásamt Jónatani Guðna Arnarssyni, félaga sínum úr yngri landsliðum Íslands og leikmanni Fjölnis, á reynslu hjá Norrköping þar sem þeir hafa æft með bæði aðalliði félagsins auk akademíunnar. Freysteinn hefur þrátt fyrir mjög ungan aldur leikið alls 41 leiki fyrir meistaraflokks Njarðvíkur og spilaði nítján leiki í Lengjudeildinni á liðnu tímabili þar sem Njarðvíkurliðið jafnaði sinn besta árangur í sögunni.

IFK Norrköping er sannkallað Íslendingafélag enda fjölmargir Íslendingar leikið með félaginu í gegnum tíðina, þ.m.t. þjálfari Njarðvíkurliðsins, Gunnar Heiðar Þorvaldsson.