Stefan Ljubicic tekur slaginn á ný með Keflavík

Knattspyrnudeild Keflavíkur var rétt í þessu að tilkynna að Stefan Ljubicic, framherjinn stæðilegi, ætli að taka slaginn með Keflavík á komandi tímabili.

„Ég er virkilega spenntur og ánægður með að koma heim! Ég vildi koma heim í Keflavík og koma mínu uppeldisfélagi upp í deild þeirra bestu, þar sem við eigum heima,“ sagði Stefan við undirskrift. Þessi 25 ára gamli Keflvíkingur semur út árið 2026.