Símon Logi genginn í raðir Njarðvíkinga
Sóknarmaðurinn Símon Logi Thasapong hefur söðlað um og gengið til liðs við knattspyrnulið Njarðvíkur sem er í harðri toppbaráttu Lengjudeildar karla.
Á Facebook-síðu knattspyrnudeildar Njarðvíkur segir að knattspyrnudeildir UMFN og UMFG hafi gert með sér samkomulag um að sóknarmaðurinn Símon Logi Thasaphong leiki með Njarðvíkurliðinu út leiktíðina á láni frá Grindavík.
Þá skrifaði Símon Logi undir samning við Njarðvíkurliðið til ársins 2027 og verður því alfarið leikmaður Njarðvíkur að loknum lánstímanum.
![](/media/1/grindavik---throttur-r.-1-2-20230630-018.jpg)
Símon er fæddur árið 2001 og hefur alla tíð leikið með uppeldisfélagi sínu, Grindavík, fyrir utan eina leiktíð með venslafélagi þeirra, GG.
Í heildina hefur Símon leikið 115 meistaraflokksleiki á vegum KSÍ og skorað í þeim 21 mörk, þar af sex á síðustu leiktíð í Lengjudeildinni.