Afmæli Garðskagavita fagnað á Byggðasafninu á Garðskaga

Byggðasafnið á Garðskaga fagnar 80 ára afmæli Garðskagavita þriðjudaginn 10. september. Hátíðardagskrá hefst kl. 17:30 á byggðasafninu.

Flutt verða ávörp, boðið verður upp á söng og ljóðalestur. Þá kynnir Byggðasafnið á Garðskaga tvær sýningar, lýðveldissýningu og vitasýningu.

Kaffiveitingar eru á safninu og öll eru velkomin.

Í tilefni af 80 ára afmæli Garðskagavita komu félagar úr Söngsveitinni Víkingum saman í vitanum á dögunum og sungu lagið „Brennið þið vitar“. Myndatökumaður Víkurfrétta tók upp sönginn og skreytti með myndum úr safni Víkurfrétta. Myndbandið er í spilaranum hér að neðan.

Svona er dagskráin:

Magnús Stefánsson bæjarstjóri Suðurnesjabæjar ávarpar gesti

Ávarp, bæn og blessun séra Sigurðar Grétars Sigurðssonar

Söngsveitin Víkingar

Vegagerðin - ávarp

Hjörtur Páll Davíðsson les ljóð Ásdísar Káradóttur, vitavarðar

Byggðasafnið á Garðskaga - Lýðveldisýning, Vitasýning

Kaffiveitingar á safni

Öll Velkomin