Big Thief í Hljómahöll
Bandaríska sveitin spilar í Reykjanesbæ í júní
Bandaríska hljómsveitin Big Thief mun koma fram á tónleikum í Hljómahöll þann 24. júní nk. og er miðasala hafin á tix.is.
Big Thief þarf vart að kynna fyrir tónlistaráhugafólki á Íslandi. Allt frá því að fyrsta platan Masterpiece kom út árið 2016 hefur bæst jafnt og þétt í aðdáendahópinn en platan er meistaraverk eins og nafnið gefur reyndar til kynna . Önnur plata sveitarinnar Capacity kom út árið 2017 og gagnrýnendur héldu vart vatni. Platan var m.a. í öðru sæti SPIN yfir bestu plötur ársins. Ársins 2019 verður síðan m.a. minnst sem ársins sem tvær stórkostlegar plötur komu út með Big Thief. Í febrúar kom U.F.O.F. út og í október kom Two Hands. Báðar plöturnar hafa ratað ofarlega á flesta árslista og sem dæmi má nefna að U.F.O.F. var í þriðja sæti og Two Hands í þrettánda sæti yfir bestu plötur ársins 2019 hjá Pitchfork. Platan U.F.O.F. var tilnefnd til Grammy-verðlaunanna og lagið Not af Two Hands er að mörgum talið lag ársins.
Hljómsveitin þykir með allra bestu tónleikasveitunum í dag – ekki síst þegar nálægðin er mikil og hljómburður góður. Hljómahöll er þannig fullkominn staður til þess að sjá þessa frábæru hljómsveit í nálægð.
Miðaverði er stillt í hóf og er 6.900 kr. í stæði og 7.900 kr. í sæti á svölum. Rútuferðir eru í boði á milli Reykjavíkur og Hljómahallar.
Big Thief þarf vart að kynna fyrir tónlistaráhugafólki á Íslandi. Allt frá því að fyrsta platan Masterpiece kom út árið 2016 hefur bæst jafnt og þétt í aðdáendahópinn en platan er meistaraverk eins og nafnið gefur reyndar til kynna . Önnur plata sveitarinnar Capacity kom út árið 2017 og gagnrýnendur héldu vart vatni. Platan var m.a. í öðru sæti SPIN yfir bestu plötur ársins. Ársins 2019 verður síðan m.a. minnst sem ársins sem tvær stórkostlegar plötur komu út með Big Thief. Í febrúar kom U.F.O.F. út og í október kom Two Hands. Báðar plöturnar hafa ratað ofarlega á flesta árslista og sem dæmi má nefna að U.F.O.F. var í þriðja sæti og Two Hands í þrettánda sæti yfir bestu plötur ársins 2019 hjá Pitchfork. Platan U.F.O.F. var tilnefnd til Grammy-verðlaunanna og lagið Not af Two Hands er að mörgum talið lag ársins.
Hljómsveitin þykir með allra bestu tónleikasveitunum í dag – ekki síst þegar nálægðin er mikil og hljómburður góður. Hljómahöll er þannig fullkominn staður til þess að sjá þessa frábæru hljómsveit í nálægð.
Miðaverði er stillt í hóf og er 6.900 kr. í stæði og 7.900 kr. í sæti á svölum. Rútuferðir eru í boði á milli Reykjavíkur og Hljómahallar.
