Hljómsveit Sigmars fylgir eftir nýútkominni hljómplötu í Bergi
Bassaleikarinn og tónskáldið Sigmar Þór Matthíasson, ásamt hljómsveit, mun koma fram á Tónleikaröð Ellýjar í kvöld, fimmtudaginn 12. september, og leika frumsamda tónlist Sigmars í Bergi, Hljómahöll (gengið inn í Tónlistarskóla Reykjanesbæjar).
Á tónleikunum verða flutt lög af nýútgefinni plötu hljómsveitarinnar, Uneven Equator, sem kom út í lok ágústmánaðar og hefjast tónleikarnir klukkan 20:00.
Hljómsveitina skipa:
Ásgeir Ásgeirsson (oud)
Haukur Gröndal (klarinett)
Ingi Bjarni Skúlason (píanó)
Magnús Trygvason Eliassen (trommur)
Sigmar Þór Matthíasson (kontrabassi og tónsmíðar)
Nánari upplýsingar um tónleikana á jazz.is
Enginn aðgangseyrir á viðburðinn og öll velkomin.
Tónleikaröð Ellýjar er verkefni sem Tónlistarfélagið Ellý stendur fyrir en það er félagsskapur áhugafólks með það markmið að standa fyrir reglulegum tónlistaruppákomum í Reykjanesbæ með aðaláherslu á innlenda djasstónlist.
Tónleikaröð Ellýjar er styrkt af Uppbyggingarsjóði Suðurnesja, Menningarsjóði Reykjanesbæjar, Reykjanesapóteki og HS Orku í samstarfi við Tónlistarskóla Reykjanesbæjar og Bókasafn Reykjanesbæjar.
