Magnað myndband af Íslandi úr lofti
- tekið með fjarstýrðri þyrlu.
Hvernig ætli Gunnuhver, Reykjanesviti eða Bláa lónið líti út úr lofti? Helsti möguleiki fyrir almennan borgara til að sjá það er með því að vera farþegi í flugvél þegar tekið er á loft eða í aðflugi.
Keflvíkingurinn Óli Haukur Mýrdal, sem rekur ljósmyndaþjónustuna OZZO, ferðaðist fyrir skömmu um suður- og suðvesturland með fjarstýrða þyrlu sem hægt er að festa ljósmyndunarbúnað á. Sú tækni býður upp á ýmsa möguleika hvað varðar ljósmynda- og kvikmyndatökur. Þyrlan hans kemst í 1200-1500 fet.
Afraksturinn er þetta myndband, sem hrein unun er að horfa á.
