Sólný Pálsdóttir opnar ljósmyndasýningu

Sólný Pálsdóttir, frá Grindavík, opnaði ljósmyndasýningu í Listasal Saltfisksetursins í dag.

Sólný er kennaramenntuð en ákvað að láta gamlan draum rætast og læra ljósmyndun og er þetta fyrsta sýning hennar. Hún er nemandi í Ljósmyndaskóla Sissu og Leifs og útskrifast þaðan um næstu áramót.  

Sýningin ber heitið Gegnumbrot og vísar nafnið m.a. til myndanna sem eru teknar á Holgu, filmuvél sem býður upp á ýmsa möguleika í ljósmyndun. Fyrirsætur Sólnýjar á mörgum myndanna eru systurnar Urður, Áróra og Emilía.

Myndirnar eru allar teknar á uppáhaldstöðum Sólnýjar í Grindavík.

Myndir-VF/IngaSæm