Bannað að ríða í þéttbýli í Grindavík
Að gefnu tilefni vilja bæjaryfirvöld í Grindavík benda bæjarbúum á að umferð reiðhesta er bönnuð innan þéttbýlismarka annars staðar en á merktum reiðstígum nema með sérstöku leyfi eða samkvæmt samþykkt sveitarstjórnar, sbr. 30. gr. 7. kafla lögreglusamþykktar.
Stígurinn meðfram sjónum á þessum myndum (sem upphaflega birtust á vef Grindavíkurbæjar) er göngu- og hjólareiðastígur en innan bæjarmarka Grindavíkur má finna fjölmarga reiðstíga sem hestamenn geta nýtt sér að vild.
Hrossaskítur á göngu- og hjólreiðastíg við hafnarsvæðið í Grindavík. Ábendingar um ferðir hestamanna utan merktra reiðleiða skal komið til lögreglu, enda er það í verkhring hennar að framfylgja lögreglusamþykktinni, segir á vef bæjarins.
