Hundrað dauðir fuglar á Fitjum í Njarðvík

Tæplega eitthundrað ritur drápust í sjávarmálinu í og við tjarnirnar á Fitjum í Njarðvík. Ragnar Guðleifsson, meindýraeyðir, náði í fuglshræin auk nokkurra dauðra gæsa og álfta.

„Eitt afbrigði fuglaflensunnar hefur drepið þessa fugla. Þetta var svipað í fyrra þegar ég þurfti að tína upp fjölda dauðra fugla á svipuðum stað,“ sagði Ragnar.