Kristín María ráðin upplýsinga- og markaðsfulltrúi

Kristín María Birgisdóttir hefur verið ráðin upplýsinga- og markaðsfulltrúi Grindavíkurbæjar. Um nýtt starf er að ræða en upplýsingamálum bæjarins sinnti áður Siggeir Ævarsson. Með nýju starfi er markaðs- og ferðaþjónustumálum gefið aukið vægi. Vefur Grindavíkurbæjar greinir frá þessu.

Kristín María hefur starfað sem kennari við Grunnskóla Grindavíkur í 10 ár. Hún var auk þess bæjarfulltrúi frá árinu 2010 fram að síðustu sveitarstjórnarkosningum. Kristín María sat í stjórn Kvikunnar, auðlinda- og menningarhúsi Grindavíkur í 6 ár. Þá var hún m.a. varamaður í umhverfis- og ferðamálanefnd bæjarins í 4 ár. Hún hefur verið stjórnarformaður Miðstöðvar símenntunar á Suðurnesjum í 5 ár og situr einnig í skólanefnd Fjölbrautaskóla Suðurnesja. Samhliða háskólanámi sínu starfaði Kristín María sem fréttamaður, bæði á RÚV og Stöð 2.

Kristín María stundaði nám við Háskóla Íslands og lauk þaðan BA prófi í stjórnmálafræði. Þá er hún með kennsluréttindi í grunn- og framhaldsskóla frá Háskólanum á Akureyri. Kristín María lýkur MS prófi í mannauðsstjórnun frá Háskóla Íslands í vor en undanfarin misseri hefur hún unnið að lokaverkefninu.

Kristínu Maríu er óskað til hamingju með nýja stöðu og hún boðin velkomin til starfa. Jafnframt er Siggeiri þakkað fyrir vel unnin störf í þágu bæjarfélagsins og óskað velfarnaðar á nýjum starfsvettvangi.

Aðrir umsækjendur um starfið voru:

Baldur Guðmundsson, Reykjanesbær

Berglind Bergmann, Kópavogur

Berglind Ólafsdóttir, Reykjavík

Birna Rún Arnardóttir, Grindavík

Bjarni Hallfreðsson, Grindavík

Dagmar Jóna Elvarsdóttir, Grindavík

Dóra Magnúsdóttir, Reykjavík

Egill Ólafsson, Reykjanesbær

Einar Gíslason, Sviss

Erla Björg Jensdóttir, Grindavík

Guðlaugur Magnússon, Reykjavík