Unnið að úrbótum á fráveitu Garðs
- Mikilvægur áfangi í úrbótum á fráveitu sveitarfélagsins
Undanfarið hefur verið unnið að úrbótum á fráveitu Sveitarfélagsins Garðs. Gamlar útrásir fráveitunnar við hafnarsvæðið verða aflagðar en fráveitan tengd við megin útrás út af Þorsteinsbúð.
Verkinu er nú nánast lokið og greinir Magnús Stefánsson, bæjarstjóri í Garði frá því í pistli á vef sveitarfélagsins. Verktaki er Tryggvi Einarsson og hefur verkið gengið vel.
„Þetta er mikilvægur áfangi í úrbótum á fráveitu sveitarfélagsins og ánægjulegt að honum sé lokið,“ segir Magnús bæjarstjóri í pistlinum og birtir tvær myndir frá framkvæmdum, þar sem m.a. má sjá hve djúpt þarf að grafa til að koma frárennslislögnum fyrir.
Myndir: Magnús Stefánsson bæjarstjóri í Garði.
