Átta liða úrslit VÍS-bikarsins: Hvaða mótherja fengu Suðurnesjaliðin?

Dregið var í átta liða úrslit karla og kvenna í VÍS-bikarkeppni Körfuknattleikssambands Íslands nú í hádeginu. Hjá körlum voru Keflavík og Njarðvík í pottinum en kvennamegin voru það Grindavík og Njarðvík.

Átta liða úrslit kvenna verða leikin dagana 18. og 19. janúar og þar taka Njarvíkingar á móti Tindastóli og Grindvíkingar taka á móti Stjörnunni.

Hjá körlunum verður leikið 19. og 20. janúar og þar fara Njarðvíkingar í Vesturbæinn þar sem þeir mæta KR en Keflvíkingar fá Hauka, efsta lið Bónusdeildar karla, í heimsókn.

Átta liða úrslit kvenna:

Njarðvík - Tindastóll

Grindavík - Stjarnan

Átta liða úrslit karla:

KR - Njarðvík

Keflavík - Haukar