Keflvíkingar áfram í VÍS-bikar karla eftir sigur gegn Hamri
Keflvíkingar tryggðu sér sæti í 16-liða úrslitum VÍS-bikars karla í körfuknattleik eftir öruggan sigur gegn Hamri á útivelli, 85-101.
Keflvíkingar gáfu strax tóninn, unnu fyrsta fjórðung, 17-28 og sigurinn var aldrei í hættu.
Wendell Green var stigahæstur Keflvíkinga, setti 26 stig og tók 7 fráköst. Hilmar Pétursson kom næstur með 15 stig og Marek Dolezaj var sá eini sem skilaði tvennu, var með 12 stig og 11 fráköst.
Dregið verður í 16-liða úrslitum á morgun, bæði hjá körlum og konum en öll Suðurnesjaliðin munu eiga fulltrúa þar.