Njarðvíkingar bæta við sig útlendingi

Körfuknattleiksdeild Njarðvíkur hefur samið við Kyle Johnson um að leika með Domino’s deildarliði félagsins. Hann er 195 cm og leikur í minni framherja stöðunni. Kyle lék með Stjörnunni á síðasta tímabili og skilaði þar 13,9 stigum og 5,2 fráköstum að meðaltali í leik.

Kyle hefur þess utan leikið með breska landsliðinu undanfarin ár. Ekki liggur fyrir hvenær kappinn verður klár í slaginn en vonast er til þess að það geti orðið sem fyrst.

Maciej Baginski einn af lykileikmönnum verður frá allt að næstu 12 vikurnar og leikjaálagið mikið á næstu misserum. Af þeim sökum ákvað stjórn í samráði við þjálfara liðsins að þétta raðirnar með reyndum leikmanni í baráttunni sem framundan er, segir á heimasíðu UMFN.