Hlaðvarp // Sigrún Sævarsdóttir Griffiths

Tónlistarkonan Sigrún Sævarsdóttir Griffiths er viðfangsefni Suður með sjó, sjónvarpsþáttaraðar frá Sjónvarpi Víkurfrétta. Sigrún er að gera athyglisverða hluti í tónlistinni en hún hefur búið í London í mörg ár og starfar við kunnan tónlistarskóla, þar sem hún hefur m.a. unnið með heimilislausu fólki að tónlistarsköpun. Sigrún hefur einnig síðustu misseri unnið að áhugaverðu verkefni hér á landi, m.a. í samstarfi við Miðstöð símenntunar á Suðurnesjum.